Urdaibai Biosfera Erreserba » Etnografia » Ermitak

Izena: San Bartolome.

Parrokia: San Pedro Apostolua.

Kokapena: Bedarona auzoan, isolatuta, ezpalda batean.

Sarbidea: Eatik Bedaronarako herri-bidea hartu. 51,100 km-an eskuinalderako desbideratzea hartu antzinako andabidetik. Olabe baserri-etxearen inguruan gurdibidetik jarraitu 500 m-tan ermitara heldu arte. Gainera, bere ondotik, PR BI-168 ibilbide laburra igarotzen da.

Deskribapena: Oin-plano angeluzuzena (12,60 x 7,90 m) du. Zuritutako harlangaitzezko hormak eta harlanduzko ertzak. Hiru isurialdeko teilatua bi zinbriren gainean. Brdinazko bao bakarreko kanpai-horma kanpairekin, fatxada nagusiaren teilatuan eta gainean burdinazko gurutzea. Ateburudun atea eta leihoa M-an. Harlauzazko zorua. Gaur egun, San Bartolome baserri-etxeari itsatsita dago.

Irudiak: San Bartolome, Mariaren Bihotza eta Jesukristo.

Margo-lana: Mariaren Bihotza (kenduta)

Artapena: Ona. 2001an eraberritu zen.

Jaia, kultua eta errituak: Abuztuaren 24an, San Bartolome egunean, abestutako meza eta herri-erromeria ospatzen da.

Errogatibak: Garai batean, Igokundearen aurreko asteartean, San Pedroko parrokiatik baseliza honetaraino errogatiban joaten zen.

Lehorte-garaian, San Bartolomeren irudia parrokiaraino prozesioan eramaten zen eta, parrokiatik, ermitaraino Birjinaren irudia eramaten zen. Parrokian, euria eskatzeko, Santuari bederatziurrena egiten zitzaion.

Eskaera eta eskaintzak: Santuarengana jotzen da amets gaiztoak ez izateko. Kandelak eskaintzen zaizkio.

Urdaibaiko Galtzagorriak © 2017. Kontaktatu gurekin: galtzagorriak@urdaibai.org

Babesleak: Eusko Jaurlaritza, Gernika-Lumoko Udala eta Urdaibai Biosfera Erreserba.